குடிசன வீட்டு வசதிகள் தொடர்பிலான கணக்கெடுப்பை மேற்கொள்பவர்களுக்கு பயிற்சிநெறி

(அப்துல் அஸீஸ்)
குடிசன வீட்டு வசதிகள் தொகை மதிப்பு நடவடிக்கையின் இறுதிக்கட்ட கணக்கெடுப்புக்களை மேற்கொள்ளும் பொருட்டு இப்பணியில் ஈடுபட உள்ள மேற்பார்வை உத்தியோகத்தர்களுக்கான பயிற்சிநெறி அம்பாறை மாவட்டத்தில் உள்ள அனைத்து பிரதேச செயலகங்களிலும் இடம்பெற்று வருகின்றன.

இதற்கமைவாக நேற்று செவ்வாய்க்கிழமை கல்முனைப் பிரதேச செயலகத்திலும் இப்பயிற்சிநெறி நடைபெற்றது.

புள்ளிவிபர ஆய்வு உத்தியோகத்தர் எம்.எப்.எம்.மர்சூக் தலைமையில் இடம்பெற்ற இவ் அமர்வில் கல்முனை பிரதேச செயலாளர் எம்.எம்.நௌபல், கல்முனை பிரதேச செயலக நிர்வாகப் பிரிவிற்கு  பொறுப்பான கிராம உத்தியோகத்தர் ஏ.எச்.ஏ.லாகிர், உட்பட மேற்பார்வை உத்தியோகத்தர்களாக தெரிவுசெய்யப்பட்ட பிரதேசசெயலக உத்தியோகத்தர்களும் கலந்துகொண்டனர்.

இந்நிகழ்வில் மேற்பார்வை உத்தியோகத்தர்களுக்கான நியமனக் கடிதங்களும் பிரதேச செயலாளரினால் கையளிக்கப்பட்டன.