விசேட ஆற்றல் உடையவர்களுக்கான உபகரணங்கள் கையளிப்பு

(அப்துல் அஸீஸ், எஸ்.எம்.எம்.றம்ஸான்)

கல்முனை பிரதேசத்தில் விசேட ஆற்றல் உடையவர்களுக்காக மேற்கொள்ளப்படும் வாழ்வாதார உதவிகள் தொடர்பான வேலைத்திட்டம் தொடர்பான கலந்துரையாடலில் இலங்கைக்கான பிரித்தானிய உயர் ஸ்தானிகர் ஜோன் ரெங்கின் இன்று செவ்வாய்க்கிழமை கலந்துகொண்டார்.

இதில் கல்முனை பிரதேச செயலாளர்களான எம்.எம்.நௌபல், கே.லெவநாதன், மகளிர் அபிவிருத்தி நிலையம், விசேட ஆற்றலுடையவர்களுக்கான அபிவிருத்தி வலையமைப்பு, சைட் சேவர் வலையமைப்பு ஆகிய அமைப்புக்களின் பிரதிநிதிகளும கலந்துகொண்டனர்.

இதன்போது, விசேட ஆற்றலுடையவர்களுக்கான இலகுபடுத்தல் உபகரணங்களை உயர் ஸ்தானிகர் கையளித்தார்.
இத்திட்டம் கல்முனை மகளிர் அபிவிருத்தி நிலையத்தினால் மேற்கொள்ளப்படுகின்றமை குறிப்பிடத்தக்கது.