அட்டாளைச்சேனையில் அக்குப் பஞ்சர் சிகிச்சை

அட்டாளைச்சேனை தள ஆயுர்வேத வைத்தியசாலையில் முதன் முதலாக அக்குப் பஞ்சர் சிகிச்சை வைத்திய முறை, வைத்தியப் பொறுப்பதிகாரி கே.எம்.அஸ்லம் தலைமையில் நேற்று (09) ஆரம்பித்து வைக்கப்பட்டது.

மூட்டுவாதம், சீனி வியாதி, உடற்பருமன், ஒற்றைத்தலை வலி, கால் மற்றும் கை விறைப்புத் தன்மை, பாலியல் பலயீனம், மனச் சோர்வு, முடி உதிர்தல், முகப்பரு போன்ற நோய்களுக்கு, இச்சிகிச்சை வழங்கப்படுகின்றது.

இந்த அக்குப் பஞ்சர் சிகிச்சை வைத்தியம், மாதத்தின் இரண்டாம், நான்காம் வாரத்தில் வரும் செவ்வாய்க்கிழமை காலை 9  மணி தொடக்கம் 12 மணி வரை இடம்பெறவுள்ளது.

இத்தினங்களில் 25 பேருக்கு மாத்திரமே சிகிச்சை வழங்கப்படுமெனவும், நோயாளருக்கான அனுமதியை, குறித்த தினங்களில் மாத்திரமே பெற்றுக்கொள்ள முடியுமெனவும் பொறுப்பதிகாரி தெரிவித்தார்.

இந்த சிகிச்சை முறையை, வைத்திய பொறுப்பதிகாரி வைத்தியர் கே.எம்.அஸ்லம் மற்றும் பர்வீன் முகிடீன், தொற்றாநோய்ப் பிரிவு வைத்திய பொறுப்பதிகாரி பஸ்மினா அறூஸ் ஆகியோர்களால் முன்னெடுக்கப்பட்டு வருகின்றமை குறிப்பிடத்தக்கது.