ஆற்று மண் ஏற்றிய நால்வருக்கு அபராதம்

அம்பாறை, ஆலையடிவேம்பு மற்றும் ஒலுவில் பிரதேசங்களில் அனுமதிப்பத்திரத்தை மீறி, சட்டவிரோதமாக ஆற்று மண் ஏற்றிய குற்றச்சாட்டில் கைது செய்யப்பட்ட நால்வருக்கு, அக்கரைப்பற்று மாவட்ட நீதிமன்றத்தால் அபராதம் விதிக்கப்பட்டுள்ளது.

குறித்த நால்வரில் ஒருவருக்கு 15,000 ரூபாய் அபராதமும், இருவருக்கு  9,000 ரூபாய் அபராதமும், மற்றைய நபருக்கு 5,000 ரூபாய் அபராதமும் விதித்து, அக்கரைப்பற்று மாவட்ட நீதிமன்ற நீதவானும், நீதவான் நீதிமன்ற நீதவானுமாகிய ஏ. பீட்டர் போல் உத்தரவிட்டார்.

குறித்த நபர்கள், அக்கரைப்பற்று பொலிஸாரால் நேற்று (12) கைது செய்யப்பட்டிருந்தனர்.