இயக்குநர் பாலாவின் புதிய நாயகி

இயக்குநர் பாலா என்றாலே 'புதுமை' என்று அர்த்தப்படுமளவுக்கு அவரது படங்கள் அமைந்துவிடுவதொன்றும் ஆச்சரியப்படுவதற்குரிய விடயமல்ல. நாயகர்களை சில வருடங்கள் புளிந்தெடுப்பதும், நாயகிகளை அடிக்கடி மாற்றிக்கொள்வதும் பாலாவின் படங்களில் சகஜயம்.

அந்தவகையில் இயக்குநர் பாலா இயக்குகின்ற 'அவன் இவன்' படத்தில் விஷால் முக்கிய வேடத்தில் வித்தியாசமாக நடிப்பது பற்றி ஏற்கனவே பல செய்திகளை பார்த்துவிட்டோம். மற்றைய நாயகன் ஆர்யாவுக்கும் முக்கியமான வேடமொன்று இருக்கிறது. நடிகர் சூர்யாவும் சிறப்பு தோற்றத்தில் நடிக்கிறார். கதாநாயகியாக ஜனனி ஐயர் நடித்து வருகிறார்.

இந்நிலையில் மற்றுமொரு நாயகியையும் இயக்குநர் பாலா தேர்ந்தெடுத்திருக்கிறார். தெலுங்கு நடிகை மது ஷாலினியை 'அவன் இவன்' படத்தின் மூலமாக தமிழில் அறிமுகப்படுத்துகிறார் இயக்குநர் பாலா.

பெரும் பொருட்செலவில் உருவாகும் இத்திரைப்படத்திற்கு இசையமைப்பாளர் யுவன்சங்கர் ராஜா அற்புதமான பாடல்களை உருவாக்கியிருப்பதாக படப்பிடிப்பு குழுவினர் தெரிவிக்கின்றனர்.