அடையாளம் காணப்படாத 300 சடலங்கள் அடக்கம் செய்யப்பட்டன

கடந்த 5 வருடக்காலப் பகுதியில் அடையாளங்காணப்படாத 300 சடலங்கள் கொழும்பு பொது மயான பூமியில் அடக்கம் செய்யப்பட்டுள்ளதாக, தகவல் தெரிவிக்கப்பட்டுள்ளது.

இவ்வருடத்தில் ஜனவரி முதல் ஓகஸ்ட் மாதம் வரையில், அடையாளங்காணப்படாத 67 சடலங்கள்  காணப்பட்டதாகவும்,  அதில் 32 சடலங்கள் ​பொது மயானத்தில் தகனம் செய்யப்பட்டதாகவும், மிகுதி 35 சடலங்கள் கொழும்பு மாநகர சபையால் தெரிவு செய்யப்பட்ட ஒப்பந்தக்காரர்கள் மூலம் அடக்கம் செய்யப்பட்டதாகவும் தெரிவிக்கப்பட்டது.

அத்துடன் கடந்த வருடம் 117 சடலங்களில் 65 சடலங்கள் அடையாளங்காணப்படாத நிலையில் அடக்கம் செய்யப்பட்டதுடன், கடந்த 5 வருட கால கணக்கெடுப்பின் படி, இதுவரையில் 300 அடையாளம் காணப்படாத 300 சடலங்கள் அடக்கம் செய்யப்பட்டுள்ளதாக சட்ட மருத்துவ செயலகத்தினால் தகவல் வெளியிடப்பட்டுள்ளது.