ஆசிரியை மீது தாக்குதல்

ஏ.எம்.ஏ.பரீத்

திருகோணமலையிலிருந்து மூதூர் பகுதிக்கு சென்றுக்கொண்டிருந்த ஆசிரியை ஒருவரை,  இனந்தெரியாத இருவர் தாக்கி, 15 பவுண் தங்க நகையை கொள்ளையிட்டுச் சென்ற சம்பவமொன்று,  இன்று காலை (21), மூதூர் இறால் குழி பகுதி பிரதான வீதியில்  இடம் பெற்றுள்ளது.

மூதூர் கஜமுக தமிழ் வித்தியாலயத்தில் கல்வி கற்பிக்கும், 55 வயதுடைய ஆசிரியையே தாக்குதலுக்கு இலக்கான நிலையில், மூதூர் வைத்தியசாலையில் அனுமதிக்கப்பட்டுள்ளார்.

சம்பவம் தொடர்பில், மூதூர் பொலிஸார்  மேலதிக விசாரணைகளை மேற்கொண்டு வருகின்றனர்.