இறந்து கரையொதுங்கும் மீன்கள்

எஸ்.என்.நிபோஜன் 

முல்லைத்தீவு, வட்டுவாகல் கடல்நீரேரியின் முகத்துவாரத்தில் ஆயிரக்கணக்கான மீன்கள்  இறந்த நிலையில் கரையொதுங்குகின்றன.

வட்டுவாகல் கடல் நீரேரி, முல்லைத்தீவு பெருங்கடலைச் சேரும் இடத்தில் குறித்த மீன்கள் இறந்த நிலையில் ஒதுங்கிவருகின்றன.

பல ஆயிரக்கணக்கில் இம்மீன்கள் இறந்து ஒதுங்குவது ஏன் எனத் தெரியவில்லையென, குறித்த பகுதி மக்கள் தெரிவிக்கின்றனர்.

இதேபோன்று, 2015ஆம் ஆண்டும் இவ்வாறு மீன்கள்  இறந்து ஒதுங்கியதாகத் தெரிவிக்கும் வட்டுவாகல் கடற்தொழிலாளர் சங்க மீனவர்கள், இறந்த மீன்களை நீரேரியில் இருந்து  அகற்றி, குழிகள் வெட்டி புதைத்துவருகின்றனர்.