மாத்தறையிலிருந்து யாழ்ப்பாணத்திற்கு துவிச்சக்கர வண்டியில் பயணம் செய்த நபர்

(என்.பரமேஸ்வரன்)

மாத்தறை தெனியாயவைச் சேர்ந்த 60 வயதான நபர் ஒருவர் துவிச்சக்கரவண்டியில் யாழ்ப்பாணத்திற்குச் சென்றுள்ளதுடன் அதே சைக்கிளில் இன்று மாத்தறை நோக்கித் திரும்பவுள்ளார்.

மல்லவாராச்சிகே ரட்ணபால எனும் இந்நபர் கடந்த வாரம் யாழ்ப்பாணத்தை வந்தடைந்தார். மாத்தறையிலிருந்து யாழ்ப்பாணத்திற்கு வருவதற்கு அவருக்கு 8 நாட்கள் தேவைப்பட்டுள்ளன. இரவு நேரங்களில் வழியிலுள்ள பொலிஸ் நிலையங்களிலும் இராணுவ முகாம்களிலும் தான்  தங்கியதாக டெய்லி மிரர் இணையத்தளத்திற்கு அவர் தெரிவித்துள்ளார்.

'யுத்த காலத்தில் நான் யாழ்ப்பாணத்தைப் பார்த்ததில்லை. சமாதானம் ஏற்பட்டதையடுத்து நான் இங்கு வந்துள்ளேன். சகல இடங்களையும் பார்ப்பதற்கான சிறந்த வழி சைக்கிளில் செல்வதுதான் என நான் கருதினேன். இரவில் தங்குமிடம் வழங்கியமைக்காக பொலிஸாருக்கும் இராணுவத்தினருக்கும் கடமைப்பட்டுள்ளேன்' என  டெய்லி மிரர் இணையத்தளத்திற்கு அவர் தெரிவத்தார்.

யாழ்ப்பாணத்திற்கு துவிச்சக்கர வண்டியில் செல்வதை அவரின் குடும்பத்தினர் எதிர்த்ததாகவும் ஆனால் தான் தனது திட்டத்தை முன்னெடுத்ததுடன் தற்போது மிக மகிழ்ச்சியான மனிதராக இருப்பதாகவும் அவர் கூறினார்.