இலங்கை தொடர்பான விவாதத்தை மலேஷிய நாடாளுமன்றம் நிராகரிப்பு

இலங்கையில் இடம்பெற்றதாக கூறப்படும் போர் குற்றங்கள் தொடர்பாக மலேஷிய நாடாளுமன்றத்தில் கொண்டுவரப்பட்ட பிரேரணையொன்றை மலேஷிய நாடாளுமன்றம் இன்று நிராகரித்துள்ளது.

"அது மற்றொரு நாட்டின் உள் விவகாரம்" என்ற அடிப்படையில் இப்பிரேரணை நிராகரிக்கப்பட்டது.

டி.ஏ.பி.-  கட்சியைச் சேர்ந்த நாடாளுமன்ற உறுப்பினர் எம். குலசேகரன் கருத்துத் தெரிவிக்கையல் இந்த நாடாளுமன்றம் இஸ்ரேல் போன்ற நாடுகளுக்கு எதிராக தீர்மானங்களையும் நிறைவேற்றியுள்ளது என சுட்டிக்காட்டினார்.

பி.கே.ஆர்.  கட்சியைச் சேர்ந்த ஜொஹரி அப்துல் கூறுகையில், இந்நாடாளுமன்றம் பலஸ்தீன மற்றும் பர்மாவின் ரோஹிங்கயாஸ் விவகாரங்கள் பற்றி விவாதித்துள்ளது.

இலங்கை மாத்திரம் மிக விசேடமாவது ஏன்? என செய்தியாளர்களிடம் பேசுகையில் குலசேகரன் கேள்வி எழுப்பினார்.

இவ்விவாதத்துக்கான பிரேரணையை ஜொஹரி அப்துல் நாடாளுமன்றத்தில் சமர்ப்பித்தமை குறிப்பிடத்தக்கது.

சுமார் 300,000 பேர் இடம்பெயர்ந்து முகாம்களில் இருப்பதாகவும் அவர்களில் ஆயிரக்கணக்கானோர் முஸ்லிம்கள் எனவும் பி.அமீன் தெரிவித்துள்ளார்.

'80,000 பெண்கள் விதவைகளாகியுள்ளனர். சரணடைந்த 5000 தமிழ் போராளிகள் எங்கேயென்று தெரியவில்லை. பல பெண்களும் சிறார்களும் வல்லுறவுக்குட்படுத்தப்பட்டனர்' எனவும் அவர் கூறியுள்ளார்.