வதந்திகளை பரப்புவதை அரசாங்கம் நிறுத்த வேண்டும்: ஜயலத் ஜயவர்தன

(யொஹான் பெரேரா)

வதந்திகளை பரப்புவதை அரசாங்கம் நிறுத்த வேண்டும் என ஐ.தே.க. நாடாளுமன்ற உறுப்பினர் டாக்டர் ஜயலத் ஜயவர்தன கூறியுள்ளார்.

அரசாங்கத்தின் வாதங்களை முறியடிப்பதற்கு ஜயலத் ஜயவர்தன ஜெனீவா சென்றுள்ளதாக நிர்மாணத்துறை, பொறியியல் சேவைகள், வீடுமைப்பு மற்றும் பொதுவசதிகள் அமைச்சர் விமல் வீரவன்ஸ கூறியமைக்கு பதிலடியாகவே ஜயலத் ஜயவர்தன இவ்வாறு கூறியுள்ளார்.

'இத்தகைய நடவடிக்கைகள் ஐ.நா. மனித உரிமை பேரவையில் இலங்கையை நகைப்புக்கிடமாக்கிவிடும். குறைந்தபட்சம் நான் நாட்டிலா அல்லது வெளிநாட்டிலா இருக்கிறேன் என்பதையாவது என்னிடம் கேட்டறிந்திருக்கலாம்' என அவர் கூறினார்.

தற்போது ஐ.நாவில் இடம்பெறும் விடயங்கள் குறித்து ஜயலத் ஜயவர்தன கருத்துத் தெரிவிக்கையில், ஐ.நா. கூட்டத்தில்  அரசாங்கம் உண்மையான, நியாயமான பதில்களை அளிக்க வேண்டும். அத்துடன் மனித உரிமை மற்றும் போர்க் குற்றச்சாட்டு தொடர்பாக விசாரணை நடத்துவதில் அரசாங்கம் உண்யைமாக செயற்பட வேண்டும்.
சர்வதேச சமூகத்தை அமைப்படுத்துதில் அரசாங்கம் நேர்மையான முயற்சிகளை மேற்கொள்ள வேண்டும்' எனக் கூறினார்.