சட்டவிரோதமாக நிதி நிறுவனம் நடத்தி மோசடி செய்த குற்றச்சாட்டில் ஒருவர் கைது

(சுபுன் டயஸ்)

புறக்கோட்டையில் சட்டவிரோதமாக நிதிநிறுவனமொன்றை நடத்தியதுடன் வெளிநாட்டிலுள்ள இலங்கையர்கள் அனுப்பும் பணத்தை மோசடி செய்த குற்றச்சாட்டில் நபர் ஒருவரை குற்றப் புலனாய்வுப் பிரிவினர் கைது செய்துள்ளனர்.

புறக்கோட்டை 3 ஆம் குறுக்குத்தெருவில் வைத்துஅந்நபர் கைது செய்யப்பட்டதாக பொலிஸ் பேச்சாளர் அஜித் ரோஹன தெரிவித்தார்.
அந்நபர் சுமார் 20 லட்சம் ரூபாவை மோசடி செய்ததாகவும் அவரின் நடவடிக்கை காரணமாக அரசாங்கத்திற்கு பெருமளவு நஷ்டம் ஏற்பட்டதாகவும் தெரிவிக்கப்படுகிறது.

மேற்படி சந்தேக நபருடன் அவரின் உதவியாளர்கள் மூவரும் கைது செய்யப்பட்டுள்ளதுடன் சுமார் 10 லட்சம் ரூபா பணமும் கைப்பற்றப்பட்டுள்ளது.

கைது செய்யப்பட்ட நபர்கள் புதுக்கடை நீதவான் முன்னிலையில் ஆஜர்படுத்தப்பட்டபோது அவர்களை ஒக்டோபர் 27 ஆம் திகதிவரை விளக்கமறியலில் வைக்குமாறு உத்தரவிடப்பட்டது.