ஒரே நாளில் 140 சாரதிகள் கைது

கடந்த 24 மணிநேரத்துக்குள் மதுபோதையில் வாகனம் செலுத்திய 140 சாரதிகள் கைதுசெய்யப்பட்டுள்ளதாக பொலிஸ் ஊடகப் பேச்சாளர் தெரிவித்தார்.

கடந்த 14ஆம் திகதி காலை 6 மணிதொடக்கம் 15ஆம் திகதி காலை 6 மணி வரையான காலப்பகுதிக்குள் நாடுபூராகவும் மேற்கொள்ளப்பட்ட சுற்றிவளைப்பின் போதே இவர்கள் கைதுசெய்யப்பட்டுள்ளனர்.

அத்துடன், கவனயீனமாக வாகனம் செலுத்திய 22  சாரதிகளும், அதிக வேகத்துடன் வாகனம் செலுத்திய 166 சாரதிகளுக்கு எதிராகவும், வழக்குத் தொடரப்பட்டுள்ளதாக பொலிஸ் ஊடகப் பேச்சாளர் ருவன் குணசேகர குறிப்பிட்டுள்ளார்.