சுனாமி தரவை வழங்கும் ஆழ்கடல் மிதவை மாயமாகிவிட்டது

சுனாமி அனர்த்தத்தை காலம் தாழ்த்தாது அறிந்துகொள்வதற்காக, ஆழ்கடலில் கடல் மேற்பரப்பில், நிலையாக நிறுவப்பட்டிருந்த ஆழ்கடல் தரவு மிதவை மாயமாகிவிட்டதாக அறிய முடிகின்றது.   

ஆகையால், அந்த மிதவையிலிருந்து கடந்த பெப்ரவரி மாதம் 29ஆம் திகதியிலிருந்து எவ்விதமான தகவலும் கிடைக்கவில்லை என்றும் அறிய முடிகின்றது.   

அந்த மிதவை தொடர்பில் தகவல் கிடைத்தால், தேசிய நீரியல்வள ஆராய்ச்சி மற்றும் அபிவிருத்தி முகவரத்துக்கு 0719353009 என்ற அலைபேசி இலக்கத்துடன் தொடர்புகொண்டு அறிவிக்குமாறு அந்த முகவரகம் கேட்டுக்கொண்டுள்ளது.   

அந்தமான் தீவுகளுக்கு அண்மையில், சர்வதேச கடல் வலயத்தில், வடக்கு அகலக்கோடு 7.01 மற்றும் கிழக்கு அகலக்கோடு 88.07 என்ற இடத்திலேயே இந்த ஆழ்கடல் தரவு மிதவை நிறுவப்பட்டிருந்தது என்றும் அந்த முகவரகம் தெரிவித்துள்ளது.