‘பார்வைக் குறைபாடானவர்கள் வாக்களிக்க வி​சேட திட்டம்

பார்வைக் குறைபாடான வாக்காளர்கள், தங்களுடைய வாக்கை அளிப்பதற்காக, விசேட முறைமையொன்றை அறிமுகப்படுத்துமாறு கோரியுள்ள இலங்கை பார்வைக் குறைபாடானவர்களின் சங்கம், அவர்களின் இரகசியத்தைப் பாதுகாப்பதற்கு நடவடிக்கைகளை எடுக்குமாறும் கோரியுள்ளது.  

“பார்வைக் குறைபாடான வாக்காளர்கள் தங்களுடைய வாக்குகளை அளிப்பதற்காக, உதவியாளர் ஒருவர் நியமிக்கப்படுவார். எனினும், இங்கு இரகசியத் தன்மை குறித்தும், வாக்காளரால் குறிப்பிடப்படும் சின்னத்துக்கும் விருப்பிலக்கங்களுக்கும் மிகச்சரியாக வாக்களிக்கப்படுகிறதா என்பது தொடர்பில், உறுதிப்படுத்த முடியாதுள்ளது” என அச்சம் தெரிவித்துள்ளது.