ரயில் பருவச்சீட்டு இருந்தால், இ.​போ.ச பஸ்களில் இலவசமாக பயணிக்கலாம்

ரயில் பருவச்சீட்டு  உள்ளவர்கள் இலங்கை போக்குவரத்து சபை பஸ்களில் இலவசமாக பயணிக்க முடியும் என்று போக்குவரத்து பிரதி அமைச்சர் அசோக அபேசிங்க தெரிவித்துள்ளார்.

அத்துடன்,அதிவேக நெடுஞ்சாலைகளில் சேவையில் ஈடுபடுகின்ற அதுசொகுசு பஸ்களிலும் பயணிகளுக்கு விசேட வசதிகள் ஏற்படுத்தப்பட்டுள்ளதாக அவர் குறப்பிட்டுள்ளார்.

புகையிரத சாரதிகள் மற்றும் புகையிரத காப்பாளர்கள்  முன்னெடுத்துவரும் வேலை நிறுத்தப் போராட்டத்தினால் பயணிகள் எதிர்நோக்கும் அ சௌகரியங்களை கருத்திற் கொண்டு இந்த நடவடிக்கை எடுக்கப்பட்டுள்ளது.

மேலும் இ.போ.ச பஸ்களில் கடமையாற்றும் சாரதிகள் மற்றும் நடத்துனர்களின் விடுமுறைகளும் இரத்துச் செய்யப்பட்டுள்ளதாக இலங்கை போக்குவரத்து சபை அறிவித்துள்ளமை குறிப்பிடத்தக்கது.