விபத்தில் பிள்ளையைப் பறிகொடுத்தப் பெற்றோர்

ஆனமடுவ பொலிஸ் பிரிவுக்குட்பட்ட ஆனமடுவ – நவகத்தேகம பிரதான வீதியின் மஹஉஸ்வௌ பிரதேசத்தில் நேற்று (18) இடம்பெற்ற வீதி விபத்தில் 3 வயது சிறுமி பரிதாபகமாக உயிரிழந்துள்ளார்.

நவகத்தேகம பிரதேசத்திலிருந்து ஆனமடுவ பகுதியை நோக்கி கணவனும், மனைவியும் தமது 3 வயது பெண் பிள்ளையுடன் மோட்டார் சைக்கிளில் பயணித்துள்ளனர். இதன்போது, கட்டுப்பாட்டை இழந்த மோட்டார் சைக்கிள் வீதியை விட்டுவிலகி வீதியோரத்தில் நிறுத்தி வைக்கப்பட்டிருந்த மற்றுமொரு மோட்டார் சைக்கிலுடன் மோதி விபத்துக்குள்ளாகியுள்ளது.

இந்த விபத்தில் மூவருமே படுகாயமடைந்துள்ள நிலையில், 3 வயது சிறுமி  உயிரிழந்துள்ளார்.