11 மீனவர்கள் கைது

அம்பலாங்கொடை பிரதேசத்துக்குட்பட்ட கடற்பரப்பில், சட்டவிரோதமான முறையில் மீன்பிடியில் ஈடுபட்டார்கள் என்ற குற்றச்சாட்டின் பேரில், 11 மீனவர்கள் கைது செய்யப்பட்டுள்ளனர்.

இவர்கள் தடைசெய்யப்பட்ட வலைகளை பயன்படுத்தி மீன்பிடியில் ஈடுபட்டதாக, இலங்கை கடற்படையினரால் கைது செய்யப்பட்டுள்ளனர்.

கடற்படையினருடன் இணைந்து காலி பிரதேச மீன்வளத் திணைக்கள அதிகாரிகள் மேற்கொண்ட திடீர் தேடுதல் நடவடிக்கையின் போது, அம்பலாங்கொடை பிரதேசத்திலிருந்து 3 கடல் மைல் தூரத்தில், மீன்பிடியில் ஈடுபட்டிருந்த இந்த 11 மீனவர்களும் கைது செய்யப்பட்டனர்.

இந்த மீனவர்கள், நீதிமன்றத்தில் ஆஜர்படுத்தப்படவுள்ளனர் என, பொலிஸார் தெரிவித்தனர்.