3 மாவட்டங்களில் 26 தொற்றாளர்கள்

மத்திய மாகாணத்தின் கண்டி, நுவரெலியா, மாத்தளை ஆகிய மாவட்டங்களில் இன்று (07) மேலும் 26 பேருக்குக் கொரோனா வைரஸ் தொற்று உறுதி செய்யப்பட்டுள்ளது.

இதனால் மொத்தத் தொற்றாளர்களின் எண்ணிக்கை 7 ஆயிரத்து 313 ஆக அதிகரித்துள்ளது.

மத்திய மாகாணத்தில் கண்டி மாவட்டத்திலேயே தொடர்ந்து அதிகளவான தொற்றாளர்கள் இனங்காணப்பட்டு வருகிறார்கள்.

கண்டியில் மாத்திரம் இதுவரையில் 4 ஆயிரத்து 750 பேருக்குத் தொற்று உறுதி செய்யப்பட்டுள்ளது. இதுவரையில் நுவரெலியாவில் ஆயிரத்து 464 பேருக்கும், மாத்தளையில் ஆயிரத்து 99 பேருக்கும் தொற்று உறுதி செய்யப்பட்டுள்ளது.