மிதவை பாதையை காட்சிப்படுத்தும் நடவடிக்கையில் கிண்ணியா நகர சபை

(எம்.பரீட்)

கடந்த இரண்டு வருடங்களுக்கு முன்னர் கிண்ணியா மக்களின் வாழ்கையோடு தொடர்புபட்டிருந்த மிதவை பாதையை காட்சிப்படுத்தும் நடவடிக்கை கிண்ணியா நகர சபையினால் முன்னெடுக்கப்பட்டு வருவதாக பிரதி தவிசாளர் சட்டத்தரணி எம்.சீ.சபறுல்லா தெரிவித்தார்.

கிண்ணியா பாலம் நிர்மாணிக்கப்படும் வரை குறித்த மிதவை பாதை ஊடாகவே பொது மக்கள் தமது பயணங்களை மேற்கொண்டு வந்தனர். தற்போது குறித்த பாலம் நிர்மாணிக்கப்பட்டுள்ளதால் மிதவைப் பாதையின் சேவை முடிவுற்றுள்ளது.

எனினும் இவை எதிர்கால சந்ததியினருக்கும், சுற்றுலா பயணிகளுக்கும் மிதவை பாதையை தெரியப்படுத்துவதறகாகவே இம்முயற்சி மேற்கொள்ளப்படுவதாக அவர் தெரிவித்தார்.