ஜோ வில்பிரட் சொங்கோ தோல்வி

இன்று ஆரம்பித்த சீன பகிரங்க டென்னிஸ் தொடரின் முதல்நாளிலேயே, பிரான்ஸைச் சேர்ந்த ஜோ வில்பிரட் சொங்கா அதிர்ச்சித் தோல்வியடைந்தார்.

இத்தொடருக்காக 8ஆவது இடத்தில் தரப்படுத்தப்பட்டிருந்த அவர், ஒஸ்திரியாவைச் சேர்ந்த ஹெய்டர் மாரெரிடம் 6-7, 2-6 என்ற செட் கணக்கில் தோல்வியடைந்தார்.

போட்டியில் உடற்தகுதிப் பிரச்சினையால் அவதிப்பட்டிருந்த அவர், போட்டியின் நடுவே மருத்துவச் சோதனைகளுக்கு உட்படுத்தப்பட்டிருந்தார்.

ஏனைய போட்டிகளில், இத்தாலியின் அன்ட்ரியஸ் செப்பியை எதிர்கொண்ட பெல்ஜியத்தின் டேவிட் கொபின், 6-2, 6-3 என்ற செட் கணக்கிலும், ஸ்லோவாக்கியாவின் மார்ட்டின் கிளிஸனை எதிர்கொண்ட இத்தாலியின் பபியோ போகினோ, 6-2, 6-1 என்ற செட் கணக்கில் வெற்றிபெற்றனர்.