டெஸ்ட் போட்டிகளிலிருந்து அவ்ரிடி ஓய்வு

இங்கிலாந்தின் லீட்ஸ் மைதானத்தில்  இன்று வெள்ளிக்கிழமை முடிவுற்ற அவுஸ்திரேலியாவுடனான முதல் போட்டியில் பாகிஸ்தான் அணி 150 ஓட்டங்களால் தோல்வியுற்ற பின்னர் அவ்ரிடி இந்த அறிவிப்பை விடுத்தார்.

ஆஸி. – பாக.; அணிகளுக்கிடையிலான இரண்டாவது போட்டி எதிர்வரும் புதன்கிழமை ஹெடிங்லே மைதானத்தில் ஆரம்பமாகவுள்ளமை குறிப்பிடத்தக்கது. அதுவே தனது கடைசி டெஸ்ட் போட்டியாக அமையும் என அவ்ரிடி கூறினார்.

அதேவேளை, ஒருநாள் மற்றும் 20 ஓவர் போட்டிகளில் அவ்ரிடி தொடர்ந்து விளையாடுவார் என அறிவிக்கப்பட்டுள்ளது.

பாகிஸ்தான் கிரிக்கெட் சபை அவ்ரிடியின் பதவி விலகலை ஏற்றுக்கொண்டுள்ளது.

ஆனால், புதிய அணித்தலைவராக தற்போதைய உபதலைவர் சல்மான் பட் நியமிக்கப்படுவாரா என்பதை உறுதியாக கூற முடியாது என பாக். கிரிக்கெட் சபைத்தலைவர் இஜாஸ் பட் அறிவித்துள்ளார்.