இந்திய அணியுடனான ஒருநாள் தொடரில் தென்னாபிரிக்கா சம்பியன்

இந்திய அணியுடனான ஒருநாள் சர்வதேச கிரிக்கெட் தொடரின் 5 ஆவது போட்டியில் தென்னாபிரிக்க அணி வெற்றியீட்டியுள்ளது. இதன் மூலம் இத்தொடரின் வெற்றியையும் 3-2 விகிதத்தில் தென்னாபிரிக்க அணி கைப்பற்றியுள்ளது.

இன்று சென்சூரியனில் நடைபெற்ற இப்போட்டியில் நிர்ணயிக்கப்படட 46 ஓவர்களில் தென்னாபிரிக்க அணி 9 விக்கெட் இழப்பிற்கு 250 ஓட்டங்களைப் பெற்றது. ஹாசிம் அம்லா 116 ஓட்டங்களைப் பெற்றார்.

பதிலுக்குத் துடுப்பெடுத்தாடிய இந்திய அணிக்கு டக்வேர்த் லூயிஸ் முறையில்  46 ஓவர்களில் 268 ஓட்டங்களைப் பெற வேண்டிய நிலையை எதிர்கொண்டது.

அவ்வணி60 ஓட்டங்களைப் பெற்ற நிலையில் 5 ஆவது விக்கெட்டையும் இழந்தது. யூஸுப் பதான் அதிரடியாகத் துடுப்பெடுத்தாடிய 70 பந்துகளில் 105 ஓட்டங்களைப்பெற்றார். 8 சிக்ஸர்கள், 8 பெண்டரிகளையும் அவர் விளாசினார்.  எனினும் இந்திய அணியின் தோல்வியை  தவிர்க்கமுடியவில்லை.

இறுதியில் 40.2 ஓவர்களில்  234 ஓட்டங்களைப் பெற்றநிலையில் சகல விக்கெட்டுகளையும் இழந்தது. இதனால் தென்னாபிரிக்க அணி டக்வேர்த் லூயிஸ் முறையில் 24 ஓட்டங்களால் வெற்றியீட்டியது. 5 ஆவது போட்டியின் சிறப்பாட்டக் காரராக ஹாசிம் அம்லாவும் சுற்றுப்போட்டியின் சிறப்பாட்டக் காரராக மோர்ன் மோர்கெலும் தெரிவாகினர்.