இங்கிலாந்து அணிக்கு 391 ஓட்ட இலக்கு

அவுஸ்திரேலிய அணியுடனான ஆஷஸ் கிரிக்கெட் தொடரின் மூன்றாவது போட்டியில் இங்கிலாந்து அணி வெற்றி பெறுவதற்கு இரண்டாவது இன்னிங்ஸில் 391 ஓட்டங்கள் எனும் இலக்கு நிர்ணயிக்கப்பட்டுள்ளது.

பேர்த் நகரில் நடைபெறும் இப்போட்டியில் இன்றைய மூன்றாவது நாள் ஆட்டமுடிவின்போது இங்கிலாந்து அணி இரண்டாவது இன்னிங்ஸில் 5 விக்கெட் இழப்பிற்கு 81 ஓட்டங்களைப் பெற்றிருந்தது.

இரண்டாவது நாளான நேற்று தனது இரண்டாவது இன்னிங்ஸில் 3 விக்கெட் இழப்பிற்கு 119 ஓட்டங்களைப் பெற்றிருந்த அவுஸ்திரேலிய அணி இன்று 309 ஓட்டங்களுடன் சகல விக்கெட்டுகளையும் இழந்தது. மைக் ஹஸி 116 ஓட்டங்களையும் ஷேன் வட்சன் 95 ஓட்டங்களையும் பெற்றனர்.

இங்கிலாந்து பந்துவீச்சாளர்களில் கிறிஸ் ட்ரெம்லட் 87 ஓட்டங்களுக்கு 5 விக்கெட்டுகளையும் ஸ்டீவன் பின் 97 ஓட்டங்களுக்கு 3 விக்கெட்டுகளையும் வீழ்த்தினர்.

இந்நிலையில் இன்று பிற்பகல் தனது இரண்டாவது இன்னிங்ஸை ஆரம்பித்த இங்கிலாந்து அணி ஆட்டமுடிவின்போது 3 விக்கெட் இழப்பிற்கு 81 ஓட்டங்களைப் பெற்றிருந்தது. அவ்வணி வெற்றி பெறுவதற்கு மேலும் 310 ஓட்டங்கள் தேவைப்படுகின்றன.