இ-20 தொடரிலும் ஷகிப் இல்லை?

பங்களாதேஷ் கிரிக்கெட் அணியின் இருபதுக்கு – 20 சர்வதேசப் போட்டிகளுக்கான அணித்தலைவர் ஷகிப் அல் ஹஸன், இலங்கைக்கெதிரான இருபதுக்கு – 20 சர்வதேசப் போட்டித் தொடரில் பங்கேற்பது சந்தேகத்துக்கிடமாகியுள்ளது.

தனது விரல் காயம் முழுமையாகக் குணமடையவில்லை என சிரேஷ்ட சகலதுறை வீரரான ஷகிப் அல் ஹஸன் தெரிவித்தமையைத் தொடர்ந்தே, இலங்கைக்கெதிரான இருபதுக்கு – 20 சர்வதேச போட்டித் தொடரில் ஷகிப் அல் ஹஸன் பங்கேற்பது சந்தேகத்துக்கிடமானதாகக் காணப்படுகின்றது.

குறித்த விடயம் குறித்து உத்தியோகபூர்வமான அறிக்கையெதுவும் இல்லையென்றபோதும் காயம் குணமடைய மேலும் இரண்டு வாரங்கள் செல்லுமென்று வைத்தியர்கள் கூறியுள்ளதாகவும் ஆதலால், இலங்கைக்கெதிரான இருபதுக்கு – 20 சர்வதேசப் போட்டித் தொடரில் தான் பங்கேற்பது சந்தேகமென ஷகிப் அல் ஹஸன் தெரிவித்துள்ளார்.