கொன்ககாப்: ஐ.அமெரிக்கா, பனாமா வெற்றி

கொன்ககாப் தங்கக் கிண்ணப் போட்டிகளில், நேற்று முன்தினம் இடம்பெற்ற போட்டிகளில், ஐக்கிய அமெரிக்கா, பனாமா ஆகிய அணிகள் வெற்றிபெற்றன.

சிறிய அணியான மார்ட்டினிக்கை எதிர்கொண்ட ஐ.அமெரிக்கா, 3-2 என்ற கோல் கணக்கில் வெற்றிபெற்றது. இப்போட்டியின் முதற்பாதியில், கோல்கள் எவையும் பெறப்படாத நிலையில், 54, 64, 76ஆவது நிமிடங்களில் ஐ.அமெரிக்கா சார்பிலும், 66, 75ஆவது நிமிடங்களில் மார்ட்டினிக் சார்பிலும் கோல்கள் பெறப்பட்டன.

பனாமா, நிக்கராகுவா அணிக்குமிடையிலான போட்டியில், 2-1 என்ற கோல் கணக்கில் பனாமா அணி வெற்றிபெற்றது. நிக்கராகுவா அணி, 49ஆவது நிமிடத்தில் முதலாவது கோலைப் பெற்றாலும், 50, 57ஆவது நிமிடங்களில் பெற்ற கோல் மூலம், பனாமா வெற்றிபெற்றது.