தென்னாபிரிக்காவுக்கெதிரான முதலாவது டெஸ்டில் வென்றது அவுஸ்திரேலியா

தென்னாபிரிக்க, அவுஸ்திரேலிய அணிகளுக்கிடையிலான நான்கு போட்டிகள் கொண்ட டெஸ்ட் தொடரில், டேர்பனில் கடந்த வியாழக்கிழமை ஆரம்பித்த முதலாவது டெஸ்டில் இன்றைய ஐந்தாம் நாளின் ஆரம்பத்திலேயே 118 ஓட்டங்களால் அவுஸ்திரேலியா வென்றது.

417 ஓட்டங்கள் என்ற வெற்றியிலக்கை நோக்கி தமது இரண்டாவது இனிங்ஸில் துடுப்பெடுத்தாடிய தென்னாபிரிக்கா, 9 விக்கெட் இழப்புக்கு 293 ஓட்டங்களைப் பெற்றவாறு இன்றைய ஐந்தாம் நாளை ஆரம்பித்த நிலையில், மேலும் ஐந்து ஓட்டங்களைச் சேர்த்த நிலையில் இறுதி விக்கெட்டையும் இழந்தது. துடுப்பாட்டத்தில், ஏய்டன் மர்க்க்ரம் 143, குயின்டன் டி கொக் 83, தெனியுஸ் டி ப்ரூன் 36 ஓட்டங்களைப் பெற்றனர். பந்துவீச்சில், மிற்செல் ஸ்டார்க் 4, ஜொஷ் ஹேசில்வூட் 3 விக்கெட்டுகளைக் கைப்பற்றினர்.

இப்போட்டியின் நாயகனாக மிற்செல் ஸ்டார்க் தெரிவானார்.

ஸ்கோர் விவரம்:

நாணயச் சுழற்சி: அவுஸ்திரேலியா

அவுஸ்திரேலியா: 351/10 (துடுப்பாட்டம்: மிற்செல் மார்ஷ் 96, ஸ்டீவ் ஸ்மித் 56, டேவிட் வோணர் 51, ஷோன் மார்ஷ் 40, மிற்செல் ஸ்டார்க் 35 ஓட்டங்கள். பந்துவீச்சு: கேஷவ் மஹராஜ் 5/123, வேர்ணன் பிலாந்தர் 3/59, கஜிஸோ றபடா 2/74)

தென்னாபிரிக்கா: 162/10 (துடுப்பாட்டம்: ஏ.பி டி வில்லியர்ஸ் ஆ.இ 71 ஓட்டங்கள். பந்துவீச்சு: மிற்செல் ஸ்டார்க் 5/34, நேதன் லையன் 3/50)

அவுஸ்திரேலியா: 227/10 (துடுப்பாட்டம்: கமரோன் பான்குரோப்ட் 53, ஸ்டீவ் ஸ்மித் 38, ஷோன் மார்ஷ் 33, பற் கமின்ஸ் 26 ஓட்டங்கள். பந்துவீச்சு: கேஷவ் மஹராஜ் 4/102, மோர்னி மோர்கல் 3/47)

தென்னாபிரிக்கா: 298/10 (துடுப்பாட்டம்: ஏய்டன் மர்க்ரம் 143, குயின்டன் டி கொக் 83, தெனியுஸ் டி ப்ரூன் 36 ஓட்டங்கள். பந்துவீச்சு: மிற்செல் ஸ்டார்க் 4/75, ஜொஷ் ஹேசில்வூட் 3/61)