உளவளத்துறை பயிற்சியை முடித்தவர்களுக்கு சான்றிதழ்

(எம்.சுக்ரி)

மட்டக்களப்பு சுகாதார நல கல்வி நிலையத்தினால் நடத்தப்பட்ட உளவளத்துறை பயிற்சியை முடித்தவர்களுக்கு சான்றிதழ் வழங்கும் வைபவம் நேற்று மட்டக்களப்பு, கல்லடி சிவாநந்தா வித்தியாலய தேசிய பாடசாலை மண்டபத்தில் நடைபெற்றது.

மட்டக்களப்பு சுகாதார நல கல்வி நிலையத்தின் தலைவர் எஸ்.பிரான்சிஸ் தலைமையில் நடைபெற்ற இவ்வைபவத்தில் மட்டக்களப்பு போதனா வைத்தியசாலையின் இரத்த வங்கி பொறுப்பாளர் டாக்டர் திருமதி கஸ்த்தூரி குகன், மனித உரிமைகள் ஆணைக்குழுவின் மட்டக்களப்பு மாவட்ட விசாரணை அதிகாரி ஏ.எசி.ஏ.அஸீஸ் உட்பட முக்கியஸ்த்தர்கள் பலரும் கலந்து கொண்டனர்.

இதன் போது உளவளத்துறை பயிற்சியை முடித்தவர்களுக்கான சான்றிதழ்கள் வழங்கப்பட்டதுடன் மட்டக்களப்பு மாவட்ட சிரேஷ்ட ஊடகவியலாளர் இ.பாக்கியராசாவின் ஊடக சேவையை பாராட்டி அவர் பொன்னாடை போர்த்தி, விருது வழங்கி கௌரவிக்கப்பட்டார்.