திறப்பு விழா...

ஜனாதிபதியின் வழிகாட்டலில் பிரதமரின் ஆலோசனைக்கமை, கல்வியமைச்சர் அகிலவிராஜ் காரியவசத்தினால் 10 மில்லியன் ரூபாய் செலவில் நிர்மாணிக்கப்பட்ட பௌத்த பிரிவெனா (பௌத்த சமய பாடசாலை), பௌத்த மதகுருமார் விடுதி இன்று(12) காலை கல்வி அமைச்சின் பணிப்பாளர் நாயகம் விஜித வெலகெதர , இராணுவத்தின் கிழக்கு மாகாண கட்டளைத் தளபதி மேஜர் ஜெனரல் சத்தசித்த பனன்வல, மாவட்ட அரசாங்க அதிபர் மாணிக்கம் உதயகுமார் ஆகியோரினால் திறந்து வைக்கப்பட்டன.

மட்டக்களப்பு, ஸ்ரீ மங்களாராம விகாராதிபதி அம்பிட்டடிய சுமணரத்ன தேரர் தலைமையில் இடம்பெற்ற இவ்வைபவத்தில், வடக்கு - கிழக்கு மாகாண பிரிவெனா பணிப்பாளர் கிரிந்திவெல சோமரத்ன தேரர் பிரதம அதிதியாக கலந்து கொண்டமை குறிப்பிடத்தக்கது.

மட்டக்களப்பு, மாநகர மேயர் தியாகராஜா சரவணபவன், கிழக்கு மாகாண சிரேஸ்ட பிரதி பொலிஸ்மா அதிபர் கபில ஜெயசேகர, முப்படைகள் மற்றும் பொலிஸ் உயர் அதிகாரிகள், கல்வி அமைச்சின் அதிகாரிகளும் கலந்து கொண்டனர்.