பின்னவலையில் மிருகக்காட்சிச் சாலை

(மொஹொமட் ஆஸிக்)

இலங்கையில் மிகப்பிரசித்தி பெற்ற யானகள் சரணாலயமான கேகாலை மாவட்டத்திலுள்ள பின்னவலையில் திறந்தவெளி மிருகக்காட்சிச்சாலை ஒன்று அமைக்கப்படவுள்ளது.

பொருளாதார அபிவிருத்தி அமைச்சர் பசில் ராஜபக்ஷ, பிரதி அமைச்சர் ரஞ்சித் சியம்பலாப்பிட்டிய ஆகியோரின் முயற்சியினால் இது மேற்கொள்ளப்படவுள்ளது.

பின்னவலை யானைகள் சரணாலயத்தை அண்மித்தே இம்மிருகக் காட்சிச் சாலை ஏற்படுத்தப்படவுள்ளது. இதற்கென 45 ஏக்கர் காணி பயன்படுத்தப்படவுள்ளது.

கண்டி – கொழும்பு பிரதான வீதியில் கரண்டுபன சந்தி முதல் பின்னவலை வரையான பகுதியில் 200 மில்லியன் ரூபாய் செலவில் பாதை சீரமைக்கப்பட்டு வருகிறது. இது நீளத்தில் சுமார் 6௭ கிலோமீற்றர் வரையான அளவைக் கொண்டது.