மகனை அடித்து துன்புறுத்திய தந்தை கைது

(சுரங்க ராஜநாயக்க)

எட்டு வயதான தனது மகனை அடித்து காயப்படுத்திய குற்றச்சாட்டில், நான்கு பிள்ளைகளின் தந்தையொருவரை  நாவலப்பிட்டிய பொலிஸார் கைது செய்துள்ளனர்.

மேற்படி நபர் தனது மகனை பெல்ட்டினால் அடித்து சுடுநீரை ஊற்றியதாக தெரிவிக்கப்படுவதாகவும் அயலவர்களிடமிருந்து கிடைத்த தகவலையடுத்து அந்நபர் கைது செய்யப்பட்டதாகவும் பொலிஸார் தெரிவித்தனர்.

பிள்ளைகளின் ஒழுக்கத்திற்காக அவர்களை பெற்றோர்கள் அடிக்காமல் வேறு யார் அடிக்க முடியும் என இச்சந்தேக நபர் கூறியதாக பொலிஸார் தெரிவித்தனர்.

நாவலப்பிட்டி பொலிஸ் நிலையத்திற்கு அழைத்துவரப்பட்ட இச்சிறுவனுக்கு உலக சிறுவர் தினத்தை முன்னிட்டு பிரதேச வாசிகள் பல்வேறு பரிசுப் பொருட்களை அன்பளிப்புச் செய்தனர்.