மலையகத்தில் உருளைக்கிழங்கின் விலை அதிகரிப்பு

( எஸ்.சுவர்ணஸ்ரீ )

உருளைக்கிழங்குக்கான இறக்குமதி தீர்வை அதிகரிக்கப்பட்டதைத் தொடர்ந்து சந்தையில் உருளைக்கிழங்கின் விலையில் அதிகரிப்பு ஏற்பட்டுள்ளது. ஒரு கிலோ 50 ரூபாவுக்கு விற்பனை செய்யப்பட்ட இறக்குமதி செய்யப்படும் உருளைக்கிழங்கு வகைகள் தற்போது சந்தையில் 80 ரூபா முதல் 85 ரூபா வரை விற்பனை செய்யப்படுகின்றன.

நுவரெலியா மற்றும் வெலிமடையில் உற்பத்தி செய்யப்படுகின்ற ஒரு கிலோ உருளைக்கிழங்கு 90 ரூபா முதல் 95 ரூபா வரை விற்பனை செய்யப்படுகின்றது.

இறக்குமதி செய்யப்படுகின்ற  உருளைக்கிழங்குக்கு இறக்குமதி தீர்வை அதிகரிக்கப்பட்டுள்ளதால் உள்நாட்டு உருளைக்கிழங்கு உற்பத்தியாளர்கள் நன்மையடைந்துள்ளனர். ஆனால் 50 ரூபாவுக்கு கொள்வனவு செய்த ஒரு கிலோ உருளைக்கிழங்கு தற்போது 80 ரூபா முதல் 85 ரூபா வரை விலைக்கொடுத்து கொள்வனவு செய்ய வேண்டிய நிலைமை ஏற்பட்டுள்ளதாக நுகர்வோர் தெரிவிக்கின்றனர்.