அபிவிருத்திக்கான பாதைகள் குறித்த கருத்தரங்கு

(ந.பரமேஸ்வரன்)

பருத்தித்துறை, அபிவிருத்திக்கான பருத்தித்துறை ஆய்வகத்தின் ஏற்பாட்டில் 'அறிவு சார்ந்த அபிவிருத்திக்கான பாதைகள்' என்னும் தொனிப்பொருளில் முதலாவது பகிரங்க மன்றம் எதிர்வரும் 2 ஆம் திகதி வியாழக்கிழமை பிற்பகல் 3 மணிக்கு யாழ். பொது நூலகக் கேட்போர் கூடத்தில் நடைபெறவுள்ளது.

இதில் வடக்கில் அறிவு சார்ந்த அபிவிருத்திக்கான பாதைகள் என்னும் தலைப்பில் வடக்கு மாகாண ஆளுநர் ஜி.ஏ.சந்திரசிறி, நுகர்வோர் கடன் மற்றும் சவால் ஆசிய பசுபிக் சவால் முகாமையாளர் நிரஞ்சன் நடராஜா, பேராசிரியர் பொ.பாலசுந்தரம்பிள்ளை, இலங்கை தமிழ் ஆசிரியர் சங்கச் செயலாளர் த.மகாசிவம் ஆகியோர் கருத்துரைகள் வழங்கவுள்ளனர்.

வளவாளராக அபிவிருத்திக்கான பருத்தித்துறை ஆய்வகத்தைச் சேர்ந்த கலாநிதி முத்துகிருஷ்ணா சர்வானந்தன் கலந்துகொள்ளவுள்ளார்.