அரச சாராயத்தை சட்டவிரோதமாக வைத்திருந்தோருக்கு அபராதம்

(சங்கவி)

அரச சாராயத்தை சட்டவிரோதமாக விற்பனை செய்தார் மற்றும் வைத்திருந்தார் என்ற குற்றச்சாட்டுகளின் பேரில் ஊர்காவற்றுறைப் பொலிஸாரால் கைது செய்யப்பட்ட இருவருக்கு தலா 5 ஆயிரம் ரூபா அபராதம் விதிக்கப்பட்டுள்ளது.

வேலணை, 4 ஆம் வட்டாரத்தில் 180 மில்லி லீற்றர் அரச சாராயத்தை சட்டவிரோதமாக விற்பனை செய்தார் மற்றும் 750 மில்லி லீற்றர் அரச சாராயத்தை வைத்திருந்தார் ஆகிய குற்றச் சாட்டுகளின் பேரில் ஒருவரும் வேலணை, அம்பிகை நகரில் அரச சாராயத்தை வைத்திருந்தார் என்ற குற்றச்சாட்டில் மற்றொருவரும் பொலிஸாரால் கைதுசெய்யப்பட்டு ஊர்காவற்றுறை நீதிமன்றில் நேற்று ஆஜர் செய்யப்பட்டனர்.

விசாரணைகளை மேற்கொண்ட ஊர்காவற்றுறை நீதிமன்றப் பதில் நீதிபதி இருவருக்கும் தலா 5 அயிரம் ரூபா வீதம் அபராதம் வழங்கித் தீர்ப்பளித்தார். இல்லையேல் தலா 2 மாதங்களுக்குச் சிறைத்தண்டனை அனுபவிக்குமாறும் உத்தரவிட்டார்.