யாழ்.பொது நூலகத்தை பார்வையிடுவதற்கு புதிய நடைமுறைகளை அமுல்படுத்த திட்டம்

(கவிசுகி)

யாழ்.பொது நூலகத்தை பொதுமக்கள் பார்வையிடுவதற்கு சில புதிய நடைமுறைகளை அமுல்படுத்த திட்டமிடப்பட்டுள்ளது.

யாழ்ப்பாண மாநகர சபையில் நூலக ஆலோசனை சபை நேற்று மாலை கலந்துரையாடல் ஒன்றை நடத்தியுள்ளது.

இதன்போது சுற்றுலா பயணிகள் 15, 20 பேர் கொண்ட குழுக்களாக சென்று பார்வையிடுவதற்கு அனுமதிப்பது என்றும் இவர்களுக்கு 20 நிமிடங்களே, உள்சென்று பார்வையிடுவதற்கு அனுமதி வழங்குவது தொடர்பிலும் ஆலோசிக்கப்பட்டுள்ளது.

அத்துடன் கையடக்க தொலைபேசிகள், கைப்பைகள் என்பவற்றை எடுத்துச் செல்ல தடைவிதிக்கவும் தீர்மானிக்கப்பட்டுள்ளதாக தெரிவிக்கப்படுகிறது.

அத்துடன் நூலகத்தின் உட்புறமும் வெளிப்புறமும் பாதுகாப்பு ஒளிப்படங்கருவிகளை பொருத்துவதற்கும் தீர்மானிக்கப்பட்டுள்ளது.

இதுதொடர்பான இறுதி தீர்மானம் விரைவில் எடுக்கப்படவுள்ளதாகவும் நூலக தரப்பினர் தெரிவித்துள்ளனர்.