யாழ். சாட்டியில் புதிய அந்தியேட்டி மடம்

(கவிசுகி)

யாழ். வேலணை சாட்டியில் இந்துக்கள் அந்தியேட்டிக் கிரியைகள் செய்வதற்கு வசதியாக வேலணைப் பிரதேச சபையால் புதிய அந்தியேட்டிமடம் ஒன்று அமைக்கப்பட்டுள்ளது.

அந்தியேட்டிக் கிரியைகள் செய்வதற்கு இதுவரைகாலமும் பொதுமக்கள் பல்வேறு சிரமங்களை எதிர்நோக்கியிருந்தனர். இதனைக் கருத்திற்கொண்டு வேலணை பிரதேச சபையால் புதிய அந்தியேட்டி மண்டபம் அமைக்கப்பட்டுள்ளது.

இந்த அந்தியேட்டி மண்டபத்தில் கிரியைகளைச் செய்ய விரும்புபவர்கள் மூன்று தினங்களுக்கு முன்னர் அலுவலக நாட்களில் பிரதேச சபை அலுவலகத்துடன் தொடர்புகொள்ளுமாறு வேலணை பிரதேச சபை செயலாளர் அறிவித்துள்ளார்.