யாழில் பாரிசவாத நோயாளிகளின் எண்ணிக்கை அதிகரிப்பு

-யோ.வித்தியா

யாழ்.போதனா வைத்தியசாலையில் பாரிசவாத நோயாளிகளின் எண்ணிக்கை அதிகரித்துள்ளதாக வைத்திய கலாநிதி கே.அஜந்தா வெள்ளிக்கிழமை (30) தமிழ்மிரருக்கு தெரிவித்தார்.

இது தொடர்பாக அவர் மேலும் தெரிவிக்கையில்,

இந்த மாதம் மாத்திரம் 30 நோயாளிகள் பாரிசவாத நோயால் இனங்காணப்பட்டு, அவர்களுக்கு சிகிச்சையளிக்கப்பட்டுள்ளது.

அதிகமான நோயாளிகள் நோயின் தாக்கம் அதிகரித்த நிலையிலேயே வைத்தியசாலைக்கு வருகின்றனர். நோய்த் தாக்கம் அதிகரித்த நிலையில் வருவதால் நோயை முற்றாக குணப்படுத்துவதில் தாமதம் ஏற்படுகின்றது.

பாரிசவாத நோய்க்குரிய அறிகுறிகள் தென்படும் போதே வைத்தியரை நாடுவதன் மூலம் விரைவில் சிகிச்சையை பெற்றுக்கொள்வதோடு பூரண குணமடையும் சந்தர்ப்பம் ஏற்படுகின்றது என அவர் தெரிவித்தார்.