விபத்தில் இருவர் காயம்

-க. அகரன் 

வவுனியா - வேப்பங்குளம் பகுதியில், நேற்று  காலை 9 மணியளவில் இடம்பெற்ற விபத்தில், இருவர் படுகாயமடைந்த நிலையில் வவுனியா மாவட்ட வைத்தியசாலையில் அனுமதிக்கப்பட்டுள்ளார்.

வேப்பங்குளம் பகுதியிலுள்ள தமது வீட்டிலிருந்து நகர் நோக்கி மன்னார் வீதி வழியாக சென்ற மோட்டார் சைக்கிள் ஒன்று வேப்பங்குளம் – 5ஆம் ஒழுங்கைக்கு முன்பாக வீதியில் சென்றுகொண்டிருந்த வேளை, எதிர் திசையில்  வந்த இலங்கை போக்குவரத்து சபைக்கு சொந்தமான பஸ்ஸூடன் மோதி விபத்துக்குள்ளானது.

இவ் விபத்தில் 30,25 வயதுடைய கணவன், மனைவி ஆகிய இருவரும் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளனர்.