முல்லைத்தீவில் கரையொதுங்கிய சடலம் வைத்தியசாலையில் ஒப்படைப்பு

(நவரத்தினம்)

முல்லைத்தீவு கடற்கரையில் கரையொதுங்கியதாகத் தெரிவிக்கப்படும் சடலம் வவுனியா பொது வைத்தியசாலையில் நேற்று வியாழக்கிழமை இரவு பொலிஸாரால் ஒப்படைக்கப்பட்டுள்ளது.

முல்லைத்தீவு கடற்கரையில் நேற்றுமுன்தினம் புதன்கிழமை  அடையாளம் காணமுடியாத வகையில் சடலமொன்று கரையொதுங்கியது. தலை மற்றும் கால்ப் பகுதிகளற்ற  நிலையில் அடையாளம் காணமுடியாதவாறு உருக்குலைந்து  காணப்பட்ட இச்சடலம் முல்லைத்தீவு பொலிஸாரால் மீட்கப்பட்டது.

இந்த நிலையிலேயே மேலதிக பரிசோதனைக்காக குறித்த சடலம் வவுனியா பொது வைத்தியசாலையில் ஒப்படைக்கப்பட்டுள்ளது.