‘குடிநீருக்குத் தட்டுப்பாடு’

-செல்வநாயகம் கபிலன் 

வளலாய் வடக்கின் சில பகுதிகளுக்கு, குடி நீர் விநியோகம் சீரான முறையில் வழங்கப்படவில்லை என, அப்பிரதேச மக்கள் குற்றம் சாட்டியுள்ளனர். 

இதனால் குடிநீரைப் பெற்றுக்கொள்வதில் தாம் சிரமங்களை எதிர்கொள்வதாகவும் அவர்கள் சுட்டிக்காட்டியுள்ளனர்.  

நீர் வழங்கள் வடிகால் அமைப்பு சபையால், தொண்டமானறு பகுதியில் இருந்து குடிநீர் வழங்கும் செயற்றிட்டத்தின் கீழ், குடிநீர் குழாய் நீர் விநியோகம் வழங்கப்பட்டது. வழங்கப்பட்ட குடிநீர் குழாய் பிரதான வீதியை அண்மதித்த வீடுகளுக்கு மாத்திரமே வழங்கப்பட்டது. இதனால், உள்ளக வீதிகளில் உள்ள குடிமனையாளர்கள் குடிநீரைப் பெறுவதில் சிரமங்களை எதிர்கொள்ளும் நிலை ஏற்படுகின்றது எனவும் அப்பகுதி மக்கள் தெரிவித்துள்ளனர்.