மன்னார் பிரதேச சபை ஐக்கிய தேசியக்கட்சியின் வசம்

மன்னார் பிரதேச சபையை ஐக்கியதேசியக்கட்சி கைப்பற்றியுள்ளது.

மன்னார் பிரதேச சபைக்கான தலைவர் மற்றும் உப தலைவர் தெரிவுகள் உள்ளுராட்சி ஆணையாளர் பற்றிக் நிரஞ்சன் தலைமையில் இன்று (10) இடம்பெற்றன.

இதன்போது, ஐக்கிய தேசியக்கட்சி எஸ்.எச்.முஜாஹிரையும், தமிழ் தேசியக் கூட்டமைப்பு கொன்சஸ் குலாஸையும் முன்மொழிந்தனர்.

இதன்போது, பகிரங்க வாக்கெடுப்பு இடம்பெற்றது.

இதனையடுத்து, ஐக்கிய தேசியக்கட்சி 11 வாக்குகளையும், கூட்டமைப்பு 10 வாக்குகளையும் பெற்றது.

இதனையடுத்து உப தலைவர் தெரிவின் போது, சிறீலங்கா முஸ்லிம் காங்கிரஸ் எம்.இஸ்ஸதீனையும் மற்றும் சிறீலங்கா சுதந்திரக் கட்சி எம்.தர்சீனையும் முன்மொழிந்தனர்.

அனைவரும் பகிரங்க வாக்கெடுப்பிற்கு ஆதரவு தெரிவித்த நிலையில் சிறீலங்கா முஸ்லிம் காங்கிரஸ் 11 வாக்குகளையும், சிறீலங்கா சுதந்திரக் கட்சி 9 வாக்குகளையும் பெற்றது.

சிறீலங்கா முஸ்லிம் காங்கிரஸ் உறுப்பினர் ஜே.இன்சாப்   வாக்களிக்காது நடுநிலை வகித்தார்.

அதி கூடிய வாக்குகளை பெற்ற சிறீலங்கா முஸ்லிம் காங்கிரஸ் உறுப்பினர் எம். இஸ்ஸதீன் மன்னார் பிரதேச சபையின் உப தலைவராக தெரிவு செய்யப்பட்டார்.