வவுனியா மாவட்டச் செயலாளர் பதவியேற்றார்

-க. அகரன்

வவுனியா மாவட்டத்தின் புதிய மாவட்டச் செயலாளராக, ஐ.எம். ஹனீபா, நேற்று பதவியேற்றுக்கொண்டார்.

வவுனியா முன்னாள் மாவட்டச் செயலாளர் சோமரத்தின விதான பத்திரவின் தலைமையில் இடம்பெற்ற வரவேற்பு நிகழ்வில் பாடசாலை மாணவர்களின் பாண்ட வாத்தியத்துடன் புதிய மாவட்டச் செயலாளர் வரவேற்கப்பட்டிருந்தார்.

இதன்போது,  மதகுருமார் ஆசிகளை வழங்கியிருந்தனர்.

இதையடுத்து, முன்னாள் மாவட்டச் செயலாளர் உரையாற்றியதன் பின்னர், புதிய மாவட்டச் செயலாளர் தனது கடமைகளை பொறுப்பேற்றார்.

இதன்போது முன்னாள் மாவட்டச் செயலாளருடன் வவுனியா மாவட்ட மேலதிக மாவட்டச் செயலாளர் தி. திரேஸ்குமார், உட்பட பலரும் கலந்துகொண்டனர்.