யுத்தத்தால் சேதமடைந்த வன்னிப் பாடசாலைகளைப் புனரமைக்க இந்திய அரசு நிதியுதவி

(பாலமதி)

கிளிநொச்சி, முல்லைத்தீவு மாவட்டங்களில் யுத்தத்தால் பாதிப்படைந்த பாடசாலைகளைப் புனரமைக்க இந்திய அரசு நிதியுதவி வழங்கவுள்ளது என்று கல்வி அமைச்சின் செயலாளர் எஸ். இளங்கோவன் தெரிவித்துள்ளார்.

வடக்கு மாகாண ஆளுநர் மேஜர் ஜெனரல் ஜீ.ஏ.சந்திரசிறி, இந்திய அரசிடம் இவ்விடயம் தொடர்பாக விடுத்த கோரிக்கையை அடுத்தே இந்நிதியை வழங்குவதற்கு இந்திய அரசு முன்வந்துள்ளது.

ஜனவரி மாதமளவில் இதற்கான அபிவிருத்திப் பணிகள் ஆரம்பிக்கப்படும் என்று அவர் மேலும் தெரிவித்தார்.