'பகலில் அதிகம் நீர் பருகுங்கள்'

நாட்டில் நிலவி வரும் அதிகரித்த  வெப்பநிலை காரணமாக பகல் பொழுதுகளில் முன்னெடுக்கப்படும் நடவடிக்கைகளை கூடுமானவரை தவிர்த்துக்கொள்ளுமாறு வைத்தியர்கள் வேண்டுகோள் விடுத்துள்ளனர்.

அதிக வெப்பத்தால் சிறுவர்கள் நோய்வாய்படும் நிலை ஏற்படுவதாகவும்,விளையாட்டு வைத்திய அதிகாரி வைத்தியர் லால் ஏக்கநாயக்க தெரிவித்துள்ளார்.

இதற்கமைய, அதிக வெப்பம் காரணமாக வவுனியா பம்பைமடு இராணுவ முகாமில் பயிற்சியில் ஈடுபட்டிருந்த 14 இராணுவ வீரர்கள் மயக்கமடைந்து வைத்தியசாலையில் அனுமதிக்கப்பட்டனர்.

எனவே, வெப்பத்தால் ஏற்படும் இவ்வாறான அசாதாரண நிலைகளிலிருந்து பாதுகாத்துக்கொள்வதற்கு, பகல் பொழுதுகளில் அதிகம் நீர் அருந்துமாறும் அவர் வேண்டுகோள் விடுத்துள்ளார்.