கொழும்பு குதிரைகள் நுவரெலியாவில்

ஷெல்ட்டன்

கொழும்பில் நிலவி வரும் வெப்பமான காலநிலையை கருத்திற்கொண்டு, கொழும்பு பொலிஸின் குதிரைப்படை பிரிவைச் சேர்ந்த 34 குதிரைகள் நுவரெலியாவுக்கு அழைத்துச் செல்லப்பட்டுள்ளதாக அப்பிரிவின் பணிப்பாளர் சீ.சீ.பமுனு ஆராய்ச்சி தெரிவித்தார்.

கொழும்பில் நிலவும் வெப்பமான காலநிலை மாற்றமடையும்வரை, இக்குதிரைகளை நுவரெலியாவில் வைக்கவுள்ளதாக அவர் மேலும் கூறினார். குதிரைகளின் நலனை கருத்திற்கொண்டே இத்திட்டம் முன்னெடுக்கப்பட்டதாக அவர் மேலும் கூறினார். இந்நிலையில் கொழும்பிலிருந்து அழைத்துவரப்பட்ட குதிரைகள் தற்போது நுவரெலியா மைதானத்தில் விடப்பட்டுள்ளன.