இங்கிலாந்தை வென்றது அவுஸ்திரேலியா

அவுஸ்திரேலியா, நியூசிலாந்து, இங்கிலாந்து அணிகளுக்கிடையிலான முத்தரப்பு இருபதுக்கு – 20 சர்வதேசப் போட்டித் தொடரில், ஹோபார்ட்டில் இன்று இடம்பெற்ற அவுஸ்திரேலியா, இங்கிலாந்து அணிகளுக்கிடையிலான போட்டியில் 5 விக்கெட்டுகளால் அவுஸ்திரேலியா வென்றது.

இப்போட்டியில், முதலில் துடுப்பெடுத்தாடிய இங்கிலாந்து, 20 ஓவர்களில் 9 விக்கெட் இழப்புக்கு 155 ஓட்டங்களைப் பெற்றது. துடுப்பாட்டத்தில், டேவிட் மலன் 50 (36), அணித்தலைவர் ஒயின் மோர்கன் 22 (14) மற்றும் அலெக்ஸ் ஹேல்ஸ் 22 (15) ஓட்டங்களைப் பெற்றனர். பந்துவீச்சில், கிளென் மக்ஸ்வெல் 3, அஸ்தன் அகர் 2 விக்கெட்டுகளைக் கைப்பற்றினர்.

பதிலுக்கு, 156 ஓட்டங்களை வெற்றியிலக்காகக் கொண்டு துடுப்பெடுத்தாடிய அவுஸ்திரேலியா, 18.3 ஓவர்களில் 5 விக்கெட்டுகளை இழந்த நிலையில் வெற்றியிலக்கையடைந்தது. துடுப்பாட்டத்தில், கிளென் மக்ஸ்வெல் ஆட்டமிழக்காமல் 103 (58), டார்சி ஷோர்ட் 30 (20) ஓட்டங்களைப் பெற்றனர். பந்துவீச்சில், டேவிட் வில்லி 3 விக்கெட்டுகளைக் கைப்பற்றினார்.

இப்போட்டியின் நாயகனாக கிளென் மக்ஸ்வெல் தெரிவானார்.


இங்கிலாந்தை வென்றது அவுஸ்திரேலியா

அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
 
All the content on this website is copyright protected and can be reproduced only by giving the due courtesy to 'www.tamilmirror.lk' Copyright © 2012 Wijeya Newspapers Ltd.