நீரில் மூழ்கி மாணவன் பலி

காவத்தை, அவப்பை தேயிலைத் தொழிற்சாலைக்கு அருகிலுள்ள ஆற்றில் நீராடச் சென்ற மாணவன், நேற்று (02) மாலை, நீரில் மூழ்கி பலியாகியுள்ளார்.

இறக்குவானை பரியோவான் கல்லூரியில் கடந்த ஆண்டு கல்விப் பொதுத்தராதர சாதாரண தரப் பரீட்சைக்குத் தோற்றிய அருள்செல்வம் திவாகர் எனும் மாணவனே இவ்வாறு நீரில் மூழ்கி பலியாகியுள்ளார்.

தனது சக நண்பர்களுடன் நீராடிக்கொண்டிருந்த போதே, இவர் நீரில் மூழ்கியதாகவும் எனினும் அயலில் உள்ளவர்கள் இவரை மீட்டு, காவத்தை ஆதார வைத்தியசாலையில் அனுமதித்த போதும், அவர் சிகிச்சை பலனின்றி உயிரிழந்தார் என்றும் பொலிஸார் தெரிவித்தனர்.