கிண்ணத்தைக் கைப்பற்றியது சி.ஆர் அன்ட் எஃப்.சி

போட்டியின் ஆரம்பத்தில் ஹவலொக் விளையாட்டுக் கழகத்தின் தலைவரும் மத்திய கள வீரருமான சதுன் ஹேரத்தே முயற்சியொன்றை மேற்கொண்டு புள்ளிகள் பட்டியலை ஆரம்பித்து வைத்தார். இருந்தபோதும் சி.ஆர் அன்ட் எஃப்.சி இன் சஷன் மொஹமட் முயற்சியொன்றை மேற்கொண்டு, தொடர்ந்து அதை கோலாக்க அவ்வணி 7-5 என்று முன்னிலை பெற்றது.

தொடர்ந்து இடைவேளைக்கு சற்று முன் தரிந்தவிடமிருந்து பந்தை பெற்ற மேகலங்க பிரமோதா 50 மீற்றர் ஓடி முயற்சியை பெற தரிந்து ரத்வத்த அதனை கோலாக்க இடைவேளை முடிவில் 14-5 என்ற புள்ளிகள் கணக்கில் சி.ஆர் அன்ட் எஃப்.சி முன்னிலை வகித்தது. 

இடைவேளையை தொடர்ந்து ஹவலொக் விளையாட்டுக் கழகத்தின் டுலாஜ் பெரேரா இலகுவாக கோலாக்க அவ்வணி 8 புள்ளிகளை அடைந்தது. தொடர்ந்து உடனே சி.ஆர் அன்ட் எஃப்.சி இன் தரிந்து ரத்வத்த, ஹவலொக் அணியின் தடைகளை தகர்த்து மேகலங்க பிரமோதாவிடம் பந்தை பரிமாற, அதை வெற்றிகரமான முயற்சியாக்கி, தரிந்து ரத்வத்தையால் கோல் பெறப்பட 21-8 என்ற புள்ளி அடிப்படையில் சி.ஆர் அன்ட் எஃப்.சி முன்னிலை பெற்றது. இறுதியில் அவ்வணியின் முன்கள வீரர் நிபுன தவிந்த முயற்சியொன்றை பெற அவ்வணி 26-8 என புள்ளி அடிப்படையில் வெற்றிபெற்றது.