மாணவன் மீது தாக்குதல்: ஆசிரியைக்கு விளக்கமறியல்

காலி, ஹபுகல மகா வித்தியாலயத்தில் முதலாம் தரத்தில் பயிலும் மாணவனை கடுமையாக தாக்கியதாககூறப்படும் அந்த வித்தியாலயத்தைச்சேர்ந்த ஆசிரியையொருவரை எதிர்வரும் 12ஆம் திகதி வரையிலும் விளக்கமறியலில் வைக்குமாறு காலி பதில் நீதவான் லலித் பதிரண உத்தரவிட்டுள்ளார்.

சந்தேகநபரான ஆசியையை கைதுசெய்த பொலிஸார், அவரை நீதவான் நீதிமன்றத்தில் நேற்று வெள்ளிக்கிழமை ஆஜர்படுத்திய போதே அவர் மேற்கண்டவாறு உத்தரவிட்டுள்ளார்.

மாணவனின் வைத்திய அறிக்கையை முன்வைக்குமாறும் நீதவான், பொலிஸாருக்கு உத்தரவிட்டுள்ளார்.

அத்துடன் மனநிலை வைத்தியரை சந்தித்து சிகிச்சை பெற்றுக்கொள்வதற்கு தேவையான ஏற்பாடுகளை சந்தேகநபரான ஆசிரியையைக்கு செய்துகொடுக்குமாறும் நீதவான் உத்தரவிட்டுள்ளார்.