செல்வாநகரில் அரைக்கும் ஆலை திறந்துவைப்பு

-எஸ்.என்.நிபோஜன்

கிளிநொச்சி மாவட்ட செல்வாநகர் கிராமத்துக்கு வடக்கு மாகாண கிராம அபிவிருத்தி அமைச்சால் 2015ஆம் ஆண்டு மாகாண அபிவிருத்தி நன்கொடை நிதியில் இருந்து 2 மில்லியன் ரூபாய் நிதி ஒதுக்கப்பட்டு கிராம அபிவிருத்தித் திணைக்களத்தால் செல்வாநகர் கிராம அபிவிருத்தி சங்கத்துக்கு அமைக்கப்பட்ட  அரைக்கும் ஆலை நேற்று மாலை 4.30 மணியளவில் திறந்துவைக்கப்பட்டது.

இதில், வட மாகாண கிராம அபிவிருத்தி அமைச்சர் பா.டெனிஸ்வரன், வட மாகாணசபையின் கிளிநொச்சி மாவட்ட உறுப்பினர் தவநாதன், அமைச்சின் செயலாளர் எஸ்.சத்தியசீலன், வட மாகாண கிராம அபிவிருத்தித் திணைக்கள மாகாணப் பணிப்பாளர் ஜே.ஜே.சி.பெலிசியன், மற்றும் பலர் கலந்துகொண்டனர்.